Хавдар судлалын Үндэсний төвий нарийн мэргэжлий эмч нар Хангай суманд ирж, хадрын тусламж үйлчилгээг иргэдэд ойртуулан, хавдраас урьдчилан сэргийлэх үзлэг хийж, шинжтилгээнд хамрууллаа.
    Уг үзлэг нь Улсын Хавдар судлалын үндэсний төв, ХААН банк, МҮОНРТ хамтран зохион байгуулдаг томоохон төсөл болох "Хавдрын эсрэг үндэсний аян 2015"-ын хамтын ажиллагааны хүрээнд явагдсан бөгөөд сум үүсгэн байгуулагдсаны 90-н жилийн ойн босгон дээр засаг дарга асан Я.Дүгэрсүрэнгийн охин Мөнхтуяа иргэдийг хамруулах саналыг төсөл хэрэгжүүлэгчдэд тавьж шийдвэрлүүлэн амжилттай хэрэгжүүлсэн.
      Тус арга хэмжээний хүрээнд болсон аяны нээлтийн ажиллагаанд ХСҮТ-ийн Мэс заслын клиникийн удирдагч, АУ-ны доктор, зөвлөх эмч Я.Эрдэнэ-очир ахлагчтай эмч нарын хамтарсан баг, сумын засаг дарга Д.Даваанаа, ИТХ-ын дарга Ч.Баатар, ЭМТ-ийн эрхлэгч Я.Баясгала, ХААН банкны салбарын захирал Б.Буянтогтох болон сумын иргэд оролцлоо.
        Хавдар судлалын үндэсний төвийн нарийн мэргэжлийн мэргэшсэн эмч нарын үзлэг суманд ажиллах хугацаандаа нийт 953 хүнд үзлэг оношилгоог хийсэн бөгөөд үзлэгийн дүнгээр эрүүл 296, хортой хавдрын сэжигтэй 4, хоргүй хавдар 27, хавдрын урьдал өвчин 109, хяналтын үзлэг 11 бусад өвчлөл 506 тохиолдлыг оношилж, эмэгтэйчүүдийн үзлэгээр эсийн шинжилгээ 53-ыг хийсэн байна.